BYD veb-saytiga xush kelibsiz. Veb-saytimizga kirish va undan foydalanish orqali siz mazkur Shartlarga to‘liq rozilik bildirasiz. Ushbu Shartlar Maxfiylik siyosati hamda Cookie fayllar siyosati bilan birgalikda ko‘rib chiqilishi lozim. Mazkur hujjatlarda siz tomondan taqdim etilgan yoki biz tomondan to‘plangan shaxsiy ma’lumotlarni yig‘ish va ulardan foydalanish tartibi tushuntiriladi.

“Denza Uzbekistan” veb-sayti (https://www.denza.com/uz) BYD Central Asia MChJ tomonidan boshqariladi hamda O‘zbekiston Respublikasi hududida BYD mahsulotlari va xizmatlari bo‘yicha ma’lumotlar hamda reklama materiallarini taqdim etadi.
Ushbu veb-saytda taqdim etilgan mahsulotlar faqat O‘zbekiston bozori uchun mo‘ljallangan.

Veb-saytda avtomobillar bo‘yicha keltirilgan barcha statistik ma’lumotlar amaldagi qonunchilikka muvofiq nazorat qilinadigan sharoitda o‘lchanadi. O‘lchovlar standart seriyali avtomobilda amalga oshiriladi.
Amaldagi ekspluatatsion ko‘rsatkichlar ob-havo sharoiti, yuk, shinalardagi bosim, haydash uslubi va boshqa omillarga qarab farq qilishi mumkin.

Veb-saytda ko‘rsatilgan narxlar faqat ma’lumot uchun berilgan bo‘lib, mahsulot va xizmatlarni sotish bo‘yicha taklif hisoblanmaydi.

Narxlar avtomobilning aniq komplektatsiyasi va boshqa omillarga qarab o‘zgarishi mumkin.

Avtomobillarimiz, shuningdek boshqa mahsulot va xizmatlar (keyingi o‘rinlarda “avtomobillar” deb yuritiladi) O‘zbekiston Respublikasi hududida vakolatli dilerlar orqali realizatsiya qilinadi.

BYD avtomobillarini sotuvchi dilerlar BYD kompaniyasining agenti hisoblanmaydi. Mazkur Shartlar dilerlar tomonidan boshqariladigan veb-saytlarga tatbiq etilmaydi va har bir diler veb-sayti o‘zining foydalanish shartlariga ega.

Siz veb-sayt orqali unda taqdim etilgan avtomobil (yoki avtomobillar) uchun test-drayvga yozilishingiz mumkin.
Test-drayv bo‘yicha so‘rov yuborilishi test-drayv taqdim etilishini kafolatlamaydi.
Test-drayv mijoz maqomi, amaldagi shartlar, shuningdek avtomobil va diler mavjudligiga qarab taqdim etiladi.
Test-drayvga yozilish bo‘yicha qo‘shimcha ma’lumot olish uchun biz bilan yoki rasmiy dilerlarimizdan biri bilan bog‘laning.

Vaqti-vaqti bilan veb-saytda reklama aksiyalari o‘tkazilishi mumkin. Aksiyada ishtirok etishni istasangiz, avvalo aksiya shartlari bilan tanishib chiqing, chunki bu shartlar siz yuborgan har qanday so’rov uchun amal qiladi.

Veb-saytda joylashtirilgan barcha materiallar mualliflik huquqi to‘g‘risidagi qonunchilik va boshqa amaldagi huquqiy normalar bilan himoyalangan.
BYD ning intellektual mulk huquqlari (jumladan mualliflik huquqi, tovar belgisi va patent huquqlari) BYD ning mutlaq mulki hisoblanadi.
Sayt materiallaridan (shu jumladan ularni nusxalash, o‘zgartirish, to‘liq yoki qisman ko‘paytirish, yuklab olish) shaxsiy va notijorat ichki foydalanishdan tashqari foydalanish BYD ning oldindan yozma roziligisiz taqiqlanadi.

Mazkur veb-saytdagi tovar belgilari, logotiplar, tasvirlar va xizmat nomlari BYD ning mulki hisoblanadi.
Ularni BYD ning oldindan yozma roziligisiz har qanday usulda ishlatish, yuklab olish, nusxalash yoki tarqatish taqiqlanadi.

Veb-saytimiz boshqa mustaqil internet-saytlarga gipermurojaatlarni o‘z ichiga olishi mumkin. BYD bunday saytlar yoki gipermurojaatlar orqali taqdim etilgan ma’lumotlarning aniqligi, to‘liqligi yoki ishonchliligini kafolatlamaydi.

Bunday saytlarni ko‘rish bilan bog‘liq xavflar to‘liq foydalanuvchining zimmasida bo‘ladi.

Foydalanuvchi mazkur veb-saytdan amaldagi qonunchilikka, ushbu Foydalanish shartlariga hamda qo‘llanilishi mumkin bo‘lgan boshqa shartlar va ko‘rsatmalarga muvofiq ravishda foydalanish majburiyatini oladi.

Veb-saytga noqonuniy yoki ruxsatsiz maqsadlarda kirish taqiqlanadi va buning uchun foydalanuvchi javobgar bo‘ladi.

Xususan, lekin ular bilan cheklanmagan holda, quyidagilar taqiqlanadi:

· Veb-sayt mazmunidan qonunga, halollik, axloq va jamoat tartibiga zid maqsadlarda foydalanish.

· BYD yoki uchinchi shaxslarning uskunalari va serverlari ishiga zarar yetkazishi yoki o‘zgartirish kiritishi mumkin bo‘lgan tarzda foydalanish.

· Viruslar yoki boshqa zararli dasturlarni o‘rnatish yoki uzatish.

· Veb-sayt yoki unga ulangan tarmoqlarning xavfsizlik yoki autentifikatsiya choralarini buzish yoki buzishga urinish.

Foydalanuvchi yuqoridagi majburiyatlarni buzgan taqdirda, BYD qonun bilan himoyalangan tegishli choralarni ko‘rish huquqiga ega.

Agar foydalanuvchi veb-saytda amaldagi qoidalarga yoki mazkur Shartlarga zid bo‘lgan ma’lumot yoki kontentni aniqlasa, “Biz haqimizda ma’lumot” bo‘limida ko‘rsatilgan aloqa ma’lumotlari orqali BYD ni zudlik bilan xabardor qilishi lozim.

Shuningdek, foydalanuvchi ushbu veb-sayt orqali BYD ga taqdim etilgan ma’lumotlarning haqqoniyligi va aniqligi uchun javobgardir. Foydalanuvchi barcha taqdim etilgan ma’lumotlarning to‘g‘riligini ta’minlashi va ularni o‘zining real holatiga muvofiq ravishda yangilab borishi shart.

Yolg‘on yoki noto‘g‘ri ma’lumot taqdim etilishi natijasida BYD yoki uchinchi shaxslarga yetkazilgan zarar uchun foydalanuvchi javobgar bo‘ladi.

BYD veb-saytda joylashtirilgan ma’lumotlarning aniqligini ta’minlash uchun barcha choralarni ko‘rishiga qaramay, ularning mutlaq aniqligi kafolatlanmaydi.

BYD veb-saytga kirish yoki undan foydalanish natijasida yuzaga kelgan yoki ular bilan bog‘liq bo‘lgan har qanday to‘g‘ridan-to‘g‘ri, bilvosita, tasodifiy yoki maxsus zararlar uchun, jumladan, kompyuter viruslari yoki veb-saytda joylashtirilgan ma’lumotlardan foydalanish natijasida yuzaga kelgan zararlar uchun javobgarlikni rad etadi, 

Biz mazkur Shartlarga vaqti-vaqti bilan o‘zgartirish kiritish huquqini saqlab qolamiz. Har qanday o‘zgartirish ushbu sahifada e’lon qilinadi va e’lon qilingan paytdan boshlab kuchga kiradi.

Shartlar o‘zgartirilgandan so‘ng veb-saytdan foydalanishni davom ettirishingiz yangilangan Shartlarga roziligingizni anglatadi.